IMAN BATANG PANYEMA

LING DALAM KITAB ALQURAN…
NENE SUDA BASATEGAS..
TANANANG KATOKAL SHALAT…

SHALAT RANGKA KALES IMAN…
TOKAL’ MANRA TOLANG BANGKANG…
AJAN NO KANGKAR BONGKOK MO…

MANRA SENDA MANIK REPAN…
DALAM SURAT ALBAQARAH…
AYAT SAI SAMPE EMPAT….

YASATEGAS LING MANIK NAN…
SAI TAU DE MITTAQIN..
BARIMAN LAKO DE GAIB…

IMAN LAKO ADE GAIB…
NONDA NEJA DE TUSEMA…
TANYANG PANG PANULANG MATA…

SAMPANANG REMBIT SAMBAYANG…
SEKAT YATAWA KABALONG…
NAN MO SINGIN OLA TENRANG…

OLA KO TENRANG SIA E…
NONDA DUA TELU REPAN…
ALLAH TA’ALA MESA SI…
AMPO MASI LING AYAT NAN…
LUK RIRI SHALAT KE ZAKAT…
KAPASAL PANYURUNG IMAN…

IMAN LAKO REPAN ALLAH…
BASELI PUSUK NO BOE…
TOKAL’ LING ATE KE NYAWA…

BALONG NULANG KO AYAT NAN…
PANGKELING IMAN KO GAIB…
TENRISMO SAMAPANGAN SHALAT…

KUDA BUA NAN PARANTIN…
LUK TANDA IMAN KA NEJAK…
BETAK ULEN REMBIT SHALAT…

SHALAT MANAG KE SAMPURNA…
KEWA KHUSYUK DADI NYAWA…
TENRIS ATE DADI REDA….

KAREDA KEWA TURELA…
SEANG SEKAT HARTA DOWE…
UMAN KATELAS BAREMA……

AMPO NGERE BASATEBRANG…
MANIK PANG SURAT AT TAUBAH…
AYAT PITU PULU SAI….
………
YASATEGAS PANG AYAT NAN….
KO SAREA TU BARIMAN….
WAJIB MO TU SALING TULUNG…….
……..
SAREA ULIN BARIMAN…
YAPARENTA KO KABALONG….
SANGEDO SESENG KALENGE….
……..
SAMPANANG REMBIT SAMBAYANG…
NA KALUPANG SELIN SEKKAT…
MATI’ KO NENE’ KE RASUL…
….. ..
MASI LING DALAM MAINK NAN….
SAI TU BOAT KAFARDU….
NAN MO NYA YASANGKA RAHMAT…
….
RAHMAT AZZA WAJALLA…
NA PASODO LING TU CAPA…
TU TAKIT KE TAAT ANGIS MO…..
ME RUPA TAKIT KE TAAT….
BOATSAREA PARENTA…
NAN KALIS YADATANG RAHMAT…

AMPO ULENG KITAB QURAN…..
LOBA BACA SURAT ANFAL….
AYAT DUA SAMPE EMPAT….
….
RAMANIK REPAN KADEWA…
YASAMADA LAKO KITA….
SIFAT TUMUKMIN ADE HAQ…
….
* NYAWA NGERE RASA TAKIT…
LAMEN SEPAN SINGEN REPAN….
LENG TU PANG ANGKANG MATA…
………
AMPO SI NGERE KATAKET…
LAMEN DATANG MO PANOTANG…..
LAKO SINGEN REPAN ALLAH…
……
KATAKET KO REPAN ALLAH….
SAGEGAN LAKO KABALONG…
BOAT FARDU BILIN BATIL….
….
SAREA MUKMIN ADE HAQ…
SINTA MEN BOAT KALENGE…
SURIT MUDI LAKO BUNGKAK…
MELUK YANO SURET MUDI….
LAMEN KA KENA SANGKELING…
ITTAQILLAHA GAMANA……
…..
TEGAS ITTAQILLAHA NAN…
BALONG PARIARA DIRI…
KALES PAKESAL PANG NENE….

KEWA TAAT KE TUSUJUD…
LAKO DIRI REPAN ALLAH…
SANGEDO LENGE KE DOSA…….

sapalah kami dengan komentar anda

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s